Sunnudagskvöldið 29. júlí kl. 21:00 verður kvöldmessa í Stóru-Laugardalskirkju við Tálknafjörð. Sr. Ásta Ingibjörg Pétursdóttir messar.

Sunnudaginn 29. júlí kl. 14:00 er messa í Unaðsdalskirkju á Snæfjallaströnd við Ísafjarðardjúp. Messan er haldin í tengslum við fjölskylduhátíð í Dalbæ. Þetta er tilvalin upplifun fyrir ferðafólk, sem getur í leiðinni skoðað Kaldalónið. Það er sr. Magnús Erlingsson, sóknarprestur á Ísafirði, sem predikar og þjónar fyrir altari. Ólafur Kristjánsson, fyrrverandi bæjarstjóri í Bolungarvík leikur á orgel undir almennan safnaðarsöng.

Sunnudaginn 29. júlí kl. 11:00 verður léttmessa í Reykhólakirkju í sambandi við Reykhóladaga. Um létta og skemmtilega messu verður að ræða þar sem allar kynslóðir safnast saman og eiga gæðastund með Guði og góðu fólki.