Góðar fréttir berast enn til okkar. Núna er það miðherjinn snjalli Mirko Virijevic (201 cm, 107 kg) sem er á leið til félagsins, en hann gerði garðinn frægann með Snæfell, Breiðablik og Haukum hér um árið og fór síðan til Þýskalands að spila og kemur nú heim með mikla reynslu í farteskinu sem er dýrmætt fyrir okkar unga lið. Mirko er eins og flestir vita íslenskur leikmaður og er því gjaldgengur að öllu leyti með réttindi og skyldur. Þessi undirskrift leysir mikinn vanda fyrir félagið en það sem háði okkur var hæð undir körfunni, en með tilkomu Mirko er mun auðveldara að smella liði fjalirnar sem hefur í senn hraða og hæð.