Meistaraflokkur kvenna í BÍ/Bolungarvík sigraði í sínum fyrsta leik eftir 5 ára dvala, en liðið var endurvakið fyrir sumarið en liðið lék seinast í Íslandsmótinu árið 2007. Þrátt fyrir að liðinu hafi ekki verið spáð góðu gengi fyrir tímabilið þá gerðu þær sér lítið fyrir og unnu lið Grindavíkur örugglega á útivelli, 4-1.

Fyrsta mark sumarsins skoraði Talita B. Pereira á 15. mínútu, það var svo Margrét Regína Grétarsdóttir sem kom liðinu í 2-0 rétt fyrir hálfleik. Á 64. mínútu minnkaði Ingibjörg Sigurðardóttir munin fyrir heimamenn en tvö mörk frá þeim Talita B. Pereira og Hjörný Eik Hjaltadóttur á síðasta stundarfjórðungnum gerði útaf við leikinn.

4-1 sigur í fyrsta leik lofar góður fyrir sumarið, en næsti leikur liðsins verður á móti HK/Víking á Torfnesvelli þann 28. maí kl 14:00. 

Meira

Ferðakonan sem björgunarsveitir voru að leita að er fundin. Björgunarmaður á sexhjóli fann konuna rétt við Rauðasand og amaði ekkert að henni.

Meira

„Þetta var sérlega ánægjuleg ferð,“ segir Jónas Sigurðsson á Patreksfirði, formaður Karlakórsins Vestra, sem brá sér í heimsókn austur að Reykhólum í fyrradag, uppstigningardag, og hélt tónleika í íþróttahúsinu. Að þeim loknum kom kórinn við á Dvalarheimilinu Barmahlíð og söng fyrir mannskapinn og naut veitinga áður en heim var haldið á ný.

Meira

Sandafell í Dýrafirði Gönguferð Ferðafélags Ísfirðinga, sunnudaginn 20 maí. Gengið verður í kringum Sandafell við Þingeyri.  Lagt af stað frá Grunnskólanum á Þingeyri kl. 13:00, gengin átta km. leið, að mestu eftir vegi og vegslóðum. Göngutími 3 klst.

Meira

Síðastliðinn miðvikudag þann 16. maí kl. 17:30 barst ósk um fjallabjörgunarhóp björgunarsveita Slysavarnarfélagsins Landsbjargar vegna erlends ferðamanns sem var í sjálfheldu á Seljalandsdal.

Meira

Í gær þreyttu 10. bekkingar sitt síðasta próf í grunnskóla. Við tekur vorferðalag árgangsins, en á mánudagsmorgun verður lagt af stað kl. 8:15 frá Torfnesi, norður á Bakkaflöt í Skagafirði. Dvalið verður í Skagafirðinum fram á fimmtudag og ýmislegt sér til gamans gert. Farið verður í flúðasiglingu, litabolta, þrautir, sund í hinni margrómuðu sundlaug á Hofsósi, rúntað um Skagafjörð, haldnar kvöldvökur og fleira. Hópurinn áætlar heimkomu seinnipart fimmtudags.

Meira

Guðmundur Einarsson kennari á Ísafirði heldur vélgæslunámskeið í Tjarnarlundi í Saurbæ vikuna 15.-23. júní (frí 17. júní) ef sjö eða fleiri þátttakendur fást. Námskeiðið veitir rétt til að vera vélavörður á skipum sem eru 12 metrar og styttri að skráningarlengd og með vélarafl 750 kW eða minna. Að loknu 7 eininga við

Meira

Fræðslumiðstöð Vestfjarða og Háskólasetur Vestfjarða verða í Vesturbyggð og á Tálknafirði þriðjudaginn 22. maí nk. Starfsmenn Háskólseturs og Fræðslumiðstöðvar verða á ferðinni yfir daginn og heimsækja ýmis fyrirtæki og stofnanir. Klukkan 18 verða þeir svo til skrafs og ráðagerða í Þekkingarsetrinu Skor. Allir sem áhuga hafa á frekara námi, hvort sem er formlegu námi eða styttri námskeiðum eru hvattir til að mæta og kynna sér hvað er í boði.

Meira

Við látum ekki nokkur snjókorn á okkur fá! Með sól í hjarta og söng á vörum ljúkum við skólaárinu í Grunnskólanum á Hólmavík þetta árið. Í dag héldu nemendur í 4.-6. bekk í vorferðalag í Borgarfjörðinn þar sem þau heimsækjaSnorrastofu, Landbúnaðarsafnið og Landnámssetrið sem allt tengist námi þeirra í samfélags- og náttúrufræðigreinu

Meira

Brautskráning nemenda frá Menntaskólanum á Ísafirði verður í Ísafjarðarkirkju laugardaginn 19. maí klukkan 13. Að þessu sinni verða útskrifaðir 25 stúdentar, 4 nemendur af starfsbraut, 1 sjúkraliði, 1 vélavörður smáskipa, 3 með vélstjórnarréttindi A, 2 með vélstjórnarréttindi B og 2 af grunndeild málmiðngreina. 

Meira

BÍ/Bolungarvík sendir sameiginlegt lið til keppni í sumar en liðið lék síðast í 1.deildinni sumarið 2007. Þetta verður erfitt sumar fyrir ungt og óreynt lið BÍ/Bolungarvíkur en vonandi verður þetta jákvæð reynsla fyrir ungu leikmennina sem koma til með að bera liðið uppi á komandi árum. Liðið fékk tvo erlenda leikmenn til að styrkja liðið en það eru þær Marilia de Melo og Talita B. Pereira. 

Meira

Ríkisstjórn Íslands kynnti í dag fjárfestingaáætlun fyrir Ísland 2013-2015 þar sem verða lagaðar nýjar áherslur í atvinnumálum. Það sem er hvað gleðilegast fyrir okkur Vestfirðinga er að til stendur að flýta gerð Dýrafjarðarganga og er áætlað að hefja framkvæmdir við göngin árið 2016 og verða þau fjármögnuð með veiðigjaldi.

Vestfirðingar hafa lengi barist fyrir Dýrafjarðargöngum og tók Ögmundur innanríkisráðherra á móti rúmlega 3000 undirskriftum þess efnis nú á dögunum, þar sem Vestfirðingar skoruðu á stjórnvöld að setja Dýrafjarðargöng í forgang og flýta framkvæmdum. 

Meira